去看看人家香港广东是哪能写广东闲话个 上海闲话搭广东闲话一样 每个汉字侪有自家固定个发音 而勿是根据国语个发音来标上海音(外加搿种标法根本勿准 国语里厢连得浊音鞋没 哪能标法?!)
人家香港人看到阿拉写个上海闲话笑煞脱了 原来上海闲话侪是借了国语发音瞎写八瞎写个
请问啥个叫"上海拧 "(上海人) 啥个叫小举头(小鬼头)
勿是上海闲话有得多少变化 而是现在交关人受推普机器个毒害 必须借助国语认识上海闲话 借助国语个发音造出上海闲话个发音 有得交关汉字国语个发音侪是一样个 但是辣该上海闲话里厢可能有得好几种读法 现在有得交关人因为国语搿眼字一只音 所以上海闲话鞋统统读成功一只音
认为上海闲话个国语化是自身正常个发展变化 格么大家就索介侪讲国语好了 总归比勿二勿三个上海闲话要好交关 上海闲话么鞋只有死路一条了
