三姐夫,侬画了实在好白相.
我看了一家头穷笑穷笑,象戆大一样.
边浪格人走过来看看,我也勿高兴跟伊拉解释,上海人格幽默,伊拉看勿懂格.
真是要好好谢谢侬.
第一当然是太好白相,阿拉笑得开心死了.
第二呢,阿拉等了漫画里相居然学了交关上海闲话.其实讲讲都是上海人,每个时代格上海闲话是不一样格; 同一个时代,不同格区出来格人讲格闲话又不同;就是同一个区,屋里不同籍惯格,讲格闲话都是不一样. 好比阿拉自家不会讲"近腔",只会讲"最近".还有交关例子.
第三呢,上海人确实是一群不大一样格人,三姐夫侬让阿拉看到格一点了.老实讲,平时看到网高头数勿清格文章讲上海名媛罗,最出名的交际花罗,某某公馆罗,阿拉才有眼烦格. 就象侬第一幅画里讲格"老底子上海人哪能哪能", 阿拉会的象最拉末一幅格能反应,"老底子格上海人才死光来." 有啥再多罗嗦头啦.看了侬格漫画,让我觉着,"5~~,老底子格上海人到底还是留了勿少么事下来格呀."
一口气看到讲春晚赵本山那幅,阿拉一激动,拿电脑关脱了.一个呢,也是看不动了,第二呢,阿拉太有共鸣了,我也是看见子顶面疙瘩一样格歪帽子就要转台格.央视格一帮巴子啊~~~不是讲看不起农民,但是让格能一个眼五子乱转,心术不正,一日到夜坑蒙拐骗格人,连老多少年等了央视高头当宝货一样端出来,中国没有别格象样一点格东西了吗?
